აღმოსავლეთ უკრაინაში ქალაქ კრამატორსკის დაბომბვის შედეგად 11 ადამიანი დაიღუპა, აქედან 7 მშვიდობიანი მოქალაქე და 4 სამხედრო პირი.
ამის შესახებ ინფორმაციას უკრაინული მედია ავრცელებს.
უკრაინული მედიის ცნობით, დაჭრილებს შორის 4 ბავშვია.
ამასთან, ღამით დაბომბილ კრამატორსკში უკრაინის პრეზიდენტი პეტრო პოროშენკო ჩავიდა.
პოროშენკომ   დაბომბილი კრამატორსკი დაათვალიერა და დაჭრილები საავადმყოფოში მოინახულა.
"ხელში მიჭირავს იმ რაკეტის ნამსხვრევები, რომელიც დაჭრილების სხეულებიდან ამოიღეს. ეს არის კატასტროფა და დანაშაული კაცობრიობის წინაშე. ეს ქალაქი მდებარეობს პრო–რუსი სეპარატისტების მიერ კონტროლირებადი ტერიტორიიდან 50 კილომეტრში. ეს მშვიდობიანი ქალაქია, მაგრამ ის მაინც დაიბომბა. ეს მიუღებელია. მოვითხოვთ ცეცხლის დაუყოვნებლივ შეწყვეტას, შეიარაღების გაყვანას, რუსეთთან საზღვრის ჩაკეტვას და უკრაინის ტერიტორიიდან უცხოური ჯარის გაყვანას," - განაცხადა პეტრო  პოროშენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რკინიგზას თბილისი-ქუთაისის მიმართულება დაემატება

ოკუპანტების მიერ დაკავებული საქართველოს მოქალაქე თავისუფალია

ახალი მოდელები, ფლიტ მენეჯმენტი და B2B მიმართულების გაფართოება - „ჯილი ცენტრი თეგეტამ“ 2026 წლის პირველ კვარტალში რეკორდული შედეგები აჩვენა

დენის ფასის გაზრდის მიუხედავად, ოცნებამ 157 ენერგეტიკულ კომპანიას 1 მილიარდი ლარის ჯარიმები აპატია