აჭარაში კორონავირუსი კიდევ ერთ პაციენტს დაუდგინდა.

აჭარის ჯანდაცვის მინისტრის მოადგილის, ნინო ნიჟარაძის განცხადებით, აღნიშნული პირის ინფიცირების წყარო ქობულეთის კლასტერს უკავშირდება. პაციენტი კლინიკა „მედალფაში“ იმყოფება.

„ამ დილის ახალი მონაცემები ის გახლავთ, რომ გვაქვს ერთი ლაბორატორიულად დადასტურებული შემთხვევა, რომელიც ქობულეთის კლასტერთან არის  დაკავშირებული“, - განაცხადა ნინო ნიჟარაძემ.

ნიჟარაძის ცნობით, პაციენტი 10 დღის განმავლობაში თვითიზოლაციაში იმყოფებოდა. ამჟამად კი, მისი ოჯახის წევრები საკარანტინე სივრცეში იმყოფებიან.

„ეს შემთხვევა უკვე ათი დღის განმავლობაში თვითიზოლაციაში იმყოფებოდა. ამ დილით პაციენტი გადავიყვანეთ კლინიკა „მედალფაში“, ხოლო მისი ახლობლები - საკარანტინე სივრცეში. თუმცა მთელი ოჯახი იმყოფებოდა თვითიზოლაციაში, მათ მოსახლეობის სხვა ჯგუფებთან შემხებლობა არ ჰქონიათ“, - განაცხადა ნინო ნიჟარაძემ „მაესტროს“ განუცხადა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ბუშის ინსტიტუტის დირექტორი: ივანიშვილის წინააღმდეგ სანქციების მოხსნა ნაკლებად სავარაუდოა

2025 წელს საქართველოში გაზის გაჟონვისა და აფეთქებების შედეგად 18 ადამიანი დაიღუპა

CNN: ჩინეთი ირანისთვის საჰაერო თავდაცვის სისტემების მიწოდებას უახლოეს კვირებში გეგმავს

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ