სახელმწიფო სერვისების განვითარების სააგენტოს სამსახურებსა და იუსტიციის სახლებს  გაყალბებულ დოკუმენტებთან დაკავშირებით გამოცხადებული ამნისტიით სარგებლობის მოთხოვნით  10 000-ზე მეტმა  მოქალაქემ მიმართა.

ამის შესახებ „ექსპრესნიუსს“ სერვისების განვითარების სააგენტოდან აცნობეს.

დოკუმენტებთან დაკავშირებით,  ამნისტიის კანონი 2013 წლის 25 დეკემბრიდან ამოქმედდა და გასული წლის 31 დეკემბერს დასრულდა. ინიციატივა  იუსტიციის სამინისტროს ეკუთვნოდა.

„ამნისტიის მოქმედების ვადაში, სახელმწიფო სერვისების განვითარების სააგენტოს სამსახურებსა და იუსტიციის სახლებს  ამნისტიით სარგებლობის მოთხოვნით 10 148  მოქალაქემ მიმართა.

ამნისტია გავრცერლდა  იმ პირებზე, რომელთაც სხვადასხვა მიზეზის გამო გააყალბეს პირდობის მოწმობა, პასპორტი (მათ შორის, საბჭოთა), სხვა სამგზავრო დოკუმენტი, დაბადების მოწმობა, დევნილის მოწმობა, ბინადრობის მოწმობა, სამოქალაქო აქტის ჩანაწერი, სამოქალაქო აქტის რეგისტრაციის მოწმობა. ისინი სისხლის სამართლის პასუხისმგებლობისაგან გათავისუფლდნენ.

აღსანიშნავია, რომ ამნისტია გავრცელდა მხოლოდ იმ პირებზე, რომლებმაც ყალბი დოკუმენტი ან დოკუმენტში არსებული მონაცემი გამოიყენა კანონისამოქმედებამდე და იმ პირებზე, რომელთაც გააყალბეს პირადი მონაცემები 2009 წლის 1 იანვრამდე, აგრეთვე, იმ პირებზე, რომლებმაც გაყალბებული დოკუმენტებითან მისი მონაცემებით ისარგებლეს“, - ნათქვამია სერვისების განვითარების სააგენტოს ინფორმაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს