მე არ ვთვლი, რომ გიგი უგულავა პოლიტიკური პატიმარია, - ასე გამოეხმაურა პარლამენტის იურიდიულ საკითხთა კომიტეტის თავმჯდომარე ეკა ბესელია ყოფილი მერის გიგი უგულავას გათავისუფლებას.

როგორც ბესელიამ აღნიშნა, ყველა კითხვა, რომელიც შეიძლება უგულავას გათავისუფლებას უკავშირდებოდეს, სასამართლოს მიმართ უნდა დაისვას. 

„გადაწყვეტილება მიიღო სასამართლომ, თუმცა, ის არ გაუმართლებია. ქართულმა სასამართლომ ცნო ის დამნაშავედ მან გარკვეული სასჯელი მოიხადა. როგორ ვიცი ის სხვა ეპიზოდებში არ გამართლებულა, სხვა სამართლებრივ დეტალებში ვერ შევალ და ვერაფერს გეტყვით. კიდევ ერთხლე ვიმეორებ. ეს იყო გადაწყვეტილება, რომლითაც ის არ გამართლებულა“, - განაცხადა ეკა ბესელიამ.

რაც შეეხება გიგი უგულავას პოლიტიკაში დაბრუნებას და „ნაციონალური მოძრაობის“ მომავალს, ბესელიას თქმით, „ისეთი ეტაპი ჩანს, რომ ეს მათი დასასრული იქნება“.

„"ნაციონალურ მოძრაობაში" ისეთი აურზაური ხდება, სიმართლე გითხრათ, არ  მაქვს დიდი სურვილი, მათი მომავლის პერსპექტივა დავინახო“, - აღნიშნა ბესელიამ.

ცნობისთვის, თბილისის ყოფილმა მერმა გიგი უგულავამ ე.წ. მატროსოვის ციხე გუშინ დატოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ