2016-12-27 17:37:45, 1577 ნახვა

---

ბობოხიძე: "ნაციონალური მოძრაობის“ ერთიანობის გადარჩენა მხოლოდ მიხეილ სააკაშვილს შეუძლია

"ნაციონალური მოძრაობის" ერთ-ერთი ლიდერის აკაკი ბობოხიძის განცხადებით, პარტიის ერთიანობის გადარჩენა მხოლოდ ერთი კაცს მიხეილ სააკაშვილს შეუძლია.  

როგორც ბობოხიძემ აღნიშნა, "ნაციონალური მოძრაობის" ერთიანობის გადასარჩენად სულ უფრო მცირე დრო რჩება. 

„სწორედ მიხეილ სააკაშვილის პასუხისმგებლობა იქნება და არავის სხვისი მოახერხებს თუ არა „ნაციონალური მოძრაობა“ ერთიანობის შენარჩუნებას, რადგან მე უკვე ვეღარ ვხედავ ადამიანს, ან ადამიანთა იმ ჯგუფს, გარდა მიხეილ სააკაშვილისა, რომელიც შეძლებს პარტიის რღვევის შეჩერებას“, - განაცხადა აკაკი ბობოხიძემ.

ცნობისთვის, "ნაციონალური მოძრაობის" პოლიტსაბჭოს სხდომა 17:00 საათისთვის იყო დაგეგმილი, თუმცა სხდომა ამ დრომდე არ დაწყებულა. წინასწარ ცნობილია, რომ სხდომას პარტიის 27 წევრი არ დაესწრება. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი