რუსეთის პრეზიდენტმა ვლადიმერ პუტინმა რუსეთის სამხედრო საფრთხის შესახებ განცხადებებს მითიური და არარეალისტური უწოდა, - ამის შესახებ რუსეთის პრეზიდენტმა სოჭში საერთაშრისო სადისკუსიო კლუბ "ვალდაის" პლენარულ სხდომაზე განაცხადა. 

როგორც პუტინმა აღნიშნა, რუსეთი არ აპირებს, ვინმეს თავს დაესხას. 

"რა თქმა, უნდა ძალიან სასიამოვნოა და ზოგჯერ სასარგებლოა საკუთარი თავის ბარბაროსებისგან ცივილიზაციის დამცველად წარმოჩენა. თუმცა საქმე იმაშია, რომ რუსეთი არ აპირებს, ვინმეს თავს დაესხას", - განაცხადა პუტინმა.

ამასთან, მისივე თქმით, რუსეთს არ შეუძლია აშშ-ის საპრეზიდენტო არჩევნებზე გავლენის მოხდენა.

"ნუთუ ვინმე სერიოზულად ფიქრობს, რომ რუსეთს შეუძლია, გავლენა მოახდინოს ამერიკული ხალხის არჩევანზე? ამერიკა ბანანის ქვეყანა ხომ არაა? ამერიკა დიდი სახელმწიფოა. თუ არასწორი ვარ, შემისწორეთ", - განაცხადა პუტინმა.

რუსეთის პრეზიდენტის განცხადებით, აშშ-ში პოლიტიკური ელიტები ცდილობენ, მოქალაქეების ყურადღება ქვეყანაში არსებული რეალური პრობლემებისგან სხვა საკითხზე გადაიტანონ და რუსეთის არამეგობრულ სახეს ქმნიან.

რუსეთის პრეზიდენტმა ასევე აღიარა, რომ სირიაში ვერ ხერხდება პოლიტიკური პროცესის დაწყება და სისხლისღვრის შეჩერება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება

ვაჟა-ფშაველას გამზირზე საგზაო მოძრაობა დროებით შეიზღუდება

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს

ახალგორის რაიონში გადაადგილების საშვების გაცემა განახლდა - DRI