კიშინიოვის აეროპორტში, გუშინ მოლდოვის პოლიციამ აფხაზეთის ე.წ. საგარეო საქმეთა მინისტრის მოადგილე ოლეგ არშბა  დააკავა, მოგვიანებით კი, მისი  დეპორტაცია მოახდინა. 

გავრცელებული ინფორმაციით, არშბა დნეპრისპირეთში მიემგზავრებოდა. 

ინციდენტთან დაკავშირებით, მოგვიანებით კომენტარი გააკეთა არაღიარებული დნესტრისპირეთის "საგარეო უწყებამ". როგორც მათ მიერ გავრცელებულ განცხადებაშია აღნიშნული, მომხდარი ფაქტი მოლდოვის მხარის სისუსტის და პოლიტიკური გაუაზრებლობის შედეგია.

"მოლდოვა პრიმიტიული მეთოდებით ცდილობს შეზღუდოს დნესტრისპირეთის საერთაშორისო კონტაქტები", - აღნიშნულია განცხადებაში. 

განცახდებისვე მიხედვით, დნესტრისპირეთის "მხარემ" არშბას ვიზიტის შესახებ მოლდოვური მხარე საქმის კურსში ჩააყენა, "თუმცა, მათ მაინც გაატარეს რეპრესიული მეთოდები ჩვენი უცხოელი სტუმრის წინააღმდეგ", - ვკითხულობთ განცხადებაში. 

აღნიშნულთან დაკავშირებით კომენტარი გააკეთა აფხაზეთის ე.წ. საგარეო საქმეთა მინისტრის პირველმა მოადგილემ კან ტანიამ. მისი თქმით, აღნიშნული ინციდენტი ცხადყოფს იმას, რომ აფხაზეთის "უმაღლესი პირების" წინააღმდეგ მიზანმიმართული და დისკრიმინაციული ხასიათის ქმედებები ხორციელდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის საგარეო მინისტრი - ბრიუსელის გადაწყვეტილებით, საქართველოსთან დიალოგი შეჩერდა

ფოტოგრაფი ალექსანდრ შიშკო ბელარუსში საქართველოდან დაბრუნებისას დააკავეს

რეჟიმის აგენტების კანონი, წითელი ჯვრის და საფინანსო ინსტიტუტების გაცემულ გრანტებზე არ იმუშავებს

რადიკალებმა რომლებიც ბოლნისის მერიის თანამშრომლები არიან, ბიჭს აიათოლაზე დაწერილი პოსტის გამოც გაუსწორდნენ