თურქეთის სამხრეთ-აღმოსავლეთ ნაწილში, ქალაქ ჯიზრეში, პოლიციის განყოფლებასთან ძლიერი აფეთქება მოხდა, - ამის შესახებ სააგენტო Reuters-ი იუწყება.

მედია საშუალების ცნობით, ინციდენტს მსხვერპლი მოჰყვა, არიან დაშავებულებიც.

წინასწარი ინფორმაციით, დაღუპულია სულ მცირე 9 ადამიანი, მათ შორის 1 ოფიცერი, 25-ზე მეტი ადამიანი კი დაშავებულია. ადგილზე სასწრაფო დახმარების ავტომანქანებია მობილიზებული. 

ინტერნეტში გავრცელებულ ფოტოებში ჩანს, რომ პოლიციის განყოფილების შენობის დიდი ნაწილი დანგრეულია. ადგილობრივი მედიის ინფორმაციით, აფეთქდა დანაღმული ავტომობილი.

მთავრობა, აფეთქებაში "ქურთისტანის მუშათა პარტიას" ადანაშაულებს. 

ცნობისთვის, ჯიზრე ძირითადად ქურთებით არის დასახლებული. 2015 წელს ქალაქში თურქეთის უსაფრთხოების ძალებმა ქურთი ამბოხებულების წინააღმდეგ მასშტაბური ოპერაცია ჩაატარეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი