2016-05-26 14:58:21, 839 ნახვა

---

ჯავახიშვილი: მნიშვნელოვანია ჩვენს შვილებს ისეთი ქვეყანა დავუტოვოთ, რომელზეც დღეს ყველანი ვოცნებობთ

„ეს დღე არის სტიმული და ვალდებულება, რომ ჩვენი მუშაობით და პრინციპულობით კიდევ უფრო გავაძლიეროთ  დემოკრატიული ინსტიტუტები ჩვენს ქვეყანაში“, - ამის შესახებ რეგიონული განვითარებისა და ინფრასტრუქტურის  მინისტრმა  ნოდარ ჯავახიშვილმა დამოუკიდებლობის დღესთან დაკავშირებით ჟურნალისტებს განუცხადა.

მინისტრმა სრულიად საქართველოს  ეს მნიშვნელოვანი თარიღი მიულოცა და აღნიშნა, რომ თითოეული მოქალაქისთვის ეს ძალიან ემოციური და საამაყო დღეა.

„მინდა ყველას მივულოცო ეს მნიშვნელოვანი თარიღი, ვფიქრობ, რომ ამაღლებული და ძალიან საამაყო გრძნობის დღეა. ასევე, მნიშვნელოვანია აღვადგინოთ ქვეყნის ტერიტორიული მთლიანობა და ჩვენს მომავალ თაობებს და ჩვენს შვილებს ისეთი ქვეყანა დავუტოვოთ, რომელზეც დღეს ყველანი ვოცნებობთ“, - განაცხადა ჯავახიშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი