ნადეჟდა სავჩენკოს უკრაინისთვის გადაცემის პროცედურები დაიწყო

2016-04-28 11:21:26, 1083 ნახვა

მსოფლიო

ნადეჟდა სავჩენკოს უკრაინისთვის გადაცემის პროცედურები უკვე დაიწყო, ამის შესახებ Tass იუწყება.

მედიის ინფორმაციით, აღნიშნულთან დაკავშირებით განცხადება უკრაინელი პილოტის ადვოკატმა გააკეთა. მარკ ფეიგინის თქმით, ეს არ არის სწრაფი პროცედურა და შეიძლება ორ თვემდე გაგრძელდეს.

"მივიღე სავჩენკოს განცხადება მისი თანხმობის შესახებ, სასჯელის უკრაინაში მოხდასთან დაკავშირებით. პროცედურების თანახმად, მისთვის შესავსებად უნდა გადაეცათ საბუთები, რომელიც ამ პროცესს დაიწყებდა. ვიმედოვნებ, ეს პროცედურა დაიწყო, მაგრამ უნდა გვესმოდეს, რომ ეს არ არის სწრაფი პროცედურა და შეიძლება ერთიდან ორ თვემდე გაგრძელდეს“, - აღნიშნა ადვოკატმა.

უკრაინულმა მედიამ გაავრცელა სავჩენკოს დის - ვერას კომენტარიც, რომელმაც პატიმარი მოინახულა და განაცხადა, რომ ნადეჟდა სავჩენკო პროცედურების დასაწყებად საჭირო საბუთებს უკვე ავსებს.

ცნობისთვის, თავად ვერა სავჩენკო კი რამდენიმე საათიანი დაკავების შემდეგ, უკვე თავისუფალია. უკრაინული მედიის ცნობით, მას რუსმა მესაზღვრეებმა საზღვარზე პასპორტი ჩამოართვეს და რუსეთის ტერიტორიის დატოვება აუკრძალეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან