„ჩვენ აქტიურ კომუნიკაციაში ვართ საფრანგეთის მთავრობასთან, ჩვენი მოქალაქეები არ დაზარალებულან ამ ტერაქტის შედეგად“,-ამის შესახებ საგარეო საქმეთა მინისტრმა მიხეილ ჯანელიძემ პარიზში გუშინ მომხდარ ტერაქტთან დაკავშირებით განაცხადა.

მინისტრმა ფრანგ ხალხს მომხდარის გამო მიუსამძიმრა და აღნიშნა, რომ საფრანგეთისთვის წინასაარჩევნო პერიოდში სტაბილურობა განსაკუთრებით მნიშვნელოვანია. 

"სამწუხაროდ ვხედავთ, რომ ისლამური სახელმწიფო კიდევ აქტიურია ევროპის მასშტაბით. საფრანგეთი 2015 წლის შემდეგ არის საგანგებო სიტუაციის რეჟიმში და ძალიან ბევრმა ტერაქტმა შეიწირა უდანაშაულო მოსახლეობა. საფრანგეთისთვის განსაკუთრებით წინასაარჩევნო პერიოდში მნიშვნელოვანია სტაბილურობა და მშვიდობა. ჩვენ ვუსურვებთ მშვიდობას და სტაბილურობას საფრანგეთს, ჩვენს პარტნიორ და ძალიან მნიშვნელოვან მეგობარ ქვეყანას",-განაცხადა მიხეილ ჯანელიძემ.

შეგახსენებთ, რომ პარიზის ცენტრში უცნობმა პირმა ცეცხლი გახსნა, რის შედეგადაც ერთი სამართალდამცველი დაიღუპა, კიდევ 2 დაშავდა. ცნობისთვის, ერთი თავდამსხმელი ლიკვიდირებულია. მეორემ კი ადგილიდან მიმალვა მოახერხა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

HRW: ევროსაბჭოს ქვეყნებმა უნდა გამოიძიონ, როგორ მოექცა საქართველო აფგან სადიგოვს

გუდაური-კობის მონაკვეთზე აკრძალულია ყველა სახის ტრანსპორტის მოძრაობა

არააკრედიტირებული უნივერსიტეტების 2010 წლამდე გაცემული დიპლომი აღიარებული იქნება - მიქანაძე

EUA საქართველოს განათლების რეფორმაზე: ამან შეიძლება უარყოფითად იმოქმედოს უნივერსიტეტების ეფექტურობაზე