ოკუპირებული აფხაზეთის ე.წ საგანგებო სიტუაციების მართვის სამინისტრო, ჩამოვარდნილი რუსული თვითმფრინავის ფრაგმენტებს ეძებს, - ამის შესახებ "სპუტნიკ-აბზახია" ე.წ მინისტრის მოადგილე ტიგრან დელიბალტიანზე დაყრდნობით იუწყება. 

როგორც "მინისტრის მოადგილემ" აღნიშნა, სამძებრო სამუშაოებში ოკუპირებული აფხაზეთის 2 კატერია ჩართული. 

"სამინისტროს 20 თანამშრომელი თვითმფრინავის ფრაგმენტებსა და გარდაცვლილების ცხედრებს გაგრაში, ზღვაში ეძებს. სანაპიროზე სამძებრო სამუშაოებში კიდევ 50 ადამიანია ჩართული", - განაცხადა ე.წ მინისტრის მოადგილემ.

ცნობისთვის, რუსეთის თავდაცვის სამინისტროს ინფორმაციით, ამ დროისთვის ტუ-154-ის ჩამოვარდნის ადგილას აღმოჩენილია 11 ცხედარი და თვითმფრინავის 154 ფრაგმენტი.

რუსეთის თავდაცვის სამინისტროს კუთვნილი ტუ-154 25 დეკემბრის დილით სოჭის აეროპორტიდან გაფრენიდან მალევე ჩამოვარდა, თვითმფრინავი შავ ზღვაში ჩავარდა, სანაპიროდან 1,5 კილომეტრში.

შეგახსენებთ, თავდაცვის სამინისტროს დაზუსტებული მონაცემებით, შავ ზღვაში ჩამოვარდნილი ტუ-154-ის ბორტზე სულ 84 მგზავრი და ეკიპაჟის რვა წევრი იმყოფებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა