შსს-ს თანამშრომლებმა ლეიკემიით დაავადებული ბავშვებისთვის სისხლი გაიღეს

2015-01-11 10:47:28, 544 ნახვა

საზოგადოება

შინაგან საქმეთა სამინისტროს სპეციალური და საგანგებო ღონისძიებების ცენტრის განსაკუთრებულ დავალებათა დეპატრამენტის პირველი სამმართველოს თანამშრომლებმა და სამხედრო სავალდებულო მოსამსახურეებმა ლეიკემიით დაავადებული ბავშვებისთვის სისხლი გაიღეს.

შსს-ს ინფორმაციით, აქციაში განსაკუთრებულ დავალებათა დეპარტამენტის 255-მა წარმომადგენელმა მიიღო მონაწილეობა.

შინაგან საქმეთა სამინისტრო უკვე ორი წელია თანამშრომლობს იაშვილის სახელობის კლინიკასთან არსებულ „სისხლის ბანკთან“. აქციის ფარგლებში, უწყების სხვადასხვა დანაყოფის თანამშრომლები სისტემატურად აბარებენ სისხლს ლეიკემიით დაავადებული ბავშვებისა და მოზარდებისთვის. აღნიშნულ ღონისძიებაში შინაგან საქმეთა სამინისტროს მონაწილეობის მიზანია ლეიკემიით დაავადებული ბავშვებისთვის საჭირო სისხლისა და სისხლის კომპონენტების დეფიციტის შემცირება

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან