აზერბაიჯანის არმიამ, შესაძლოა, ყარაბაღის დედაქალაქზე სარაკეტო იერიში მიიტანოს

2016-04-04 21:54:06, 1137 ნახვა

მსოფლიო

აზერბაიჯანის თავდაცვის მინისტრმა ზაქირ გასანოვმა მთიანი ყარაბაღის დედაქალაქ ხანქენდიზე (სტეპანაკერტზე) და რეგიონის სხვა ქალაქებზე სარაკეტო-საარტილერიო დარტყმის მომზადების ბრძანებაა გასცა.
ამის შესახებ აზერბაიჯანის თავდაცვის სამინისტროს საიტზე გამოქვეყნებულ განცხადებაშია ნათქვამი.
"მიუხედავად აზერბაიჯანის არაერთი გაფრთხილებისა, სომხეთი თავისი არაადამიანური ნაბიჯებით, აზერბაიჯანს საპასუხო ზომების მიღებას აიძულებს. იმ შემთხვევაში, თუ სომხეთის შეირაღებული ძალები მშვიდობიანი მოსახლეობის დაბომბვას გააგრძელებენ, აზერბაიჯანის არმია ხანქენდიზე და სხვა ოკუპირებულ ქალაქებზე გამანადგურებელ იერიშს მიიტანს", - ნათქვამია განცხადებაში.
ცნობისთვის, კონფლიქტის ზონაში სიტუაციის ესკალაციის შესახებ ცნობები შაბათს დილით გავრცელდა. აზერბაიჯანი და სომხეთი ფრონტის ხაზზე არსებულ ვითარებაზე ურთიერთგამომრიცხავ ინფორმაციას ავრცელებენ. ბაქო სომხური ტექნიკის და ცოცხალი ძალის დიდ დანაკარგებზე საუბრობს, თავის მხრივ ერევანში აზერბაიჯანელი სამხედროების განადგურების შესახებ აცხადებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან