„ზურაბ ადეიშვილის დანიშვნა კონკრეტულ თანამდებობაზე არ იგეგმება“,-ამის შესახებ „ნაციონალური მოძრაობის“ საპარლამენტო უმცირესობის წევრმა გიორგი ვაშაძემ იუსტიციის ყოფილი მინისტრის ზურაბ ადეიშვილის უკრაინაში ანტიკორუფციული საბჭოს ხელმძღვანელად, შესაძლო დანიშვნასთან დაკავშირებით განაცხადა.
ვაშაძის თქმით, ადეიშვილი  კონსულტაციებში იღებს მონაწილეობას და უკრაინას საექსპერტო მხარდაჭერას უწევს..
„ ზურაბ ადეიშვილის დანიშვნა კონკრეტულ თანამდებობაზე არ იგეგმება. ის იღებს  კონსულტაციებში მონაწილეობას  და საექსპერტო მხარდაჭერას უწევს  უკრაინას კორუფციის  წინააღმდეგ ბრძოლაში. შევახსენებ უმრავლესობის წევრებს, რომ  მას აქვს პოლიტიკური თავშესაფარი უნგრეთში, რომელიც არის  ევროკავშირის წევრი ქვეყანა  და შესაბამისად  ის განცხადებები, რასაც საქართველოში აკეთებენ  ვერ მოახდენს ზეგავლენას იმაზე, რაც ხდება უკრაინაში.  უკრაინასთან ურთერთობას დაძაბავს  ის განცხადებები, რასაც საქართველოში  ხელისუფლების მაღალი თანამდებობის პირები აკეთებენ“,-განაცახდა ვაშაძემ.
ამასთან,  პარლამენტის ვიცე-სპიკერმა მანანა კობახიძემ განაცხადა, რომ წარმოუდგენელია ისეთი ადამიანი დაინიშნოს მაღალ თანამდებობაზე, რომელიც ინტერპოლით არის ძებნილი.  
„ქართულმა მხარემ როგორც ვიცით, ყველა დოკუმენტი გადააგზავნა. სწორედ იმ დასაბუთებით, რომ ამ ადამიანის მიმართ არის კონკრეტული ბრალდებები. სწორია, რომ ამ ქვეყანამ ადეკვატური  პასუხი გასცეს ამ მოთხოვნას.  ვნახოთ, დაველოდოთ   მოვლენებს. წარმოუდგენელია  ადამიანი, რომელიც იძებნება ინტერპოლით, რომლის მიმართაც განაჩენი არის დამდგარი და რომლის მიმართაც რეალურად უმძიმესი ბრალდებებია  წაყენებული.   წარმოუდგენელია იყოს თანამდებობაზე“,-აღნიშნა კობახიძემ.
შეგახსენებთ, გადაცემა "არჩევანში“ უკრაინის იუსტიციის მინისტრის მოადგილე გია გეწაძემ განაცხადა, რომ  საქართველოს იუსტიციის ყოფილი მინისტრი ზურაბ ადეიშვილი კიევშია და ის უკრაინის მთავრობას რჩევებს აძლევს. ამასთან,  საქართველოს შინაგან საქმეთა მინისტრის მოადგილის,  არჩილ თალაკვაძის ინფორმაციით,  უკრაინული მხარისთვის  საქართველოს ყველა დოკუმენტაცია აქვს გადაგზავნილი და ადეიშვილის  გადაადგილებაზე გადაწყვეტილება მათ უნდა მიიღონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა