„ძალიან მნიშვნელოვანი პროცესი იწყება, ამიტომ საჭიროა, მაქსიმალური მობილიზება“, - ამის შესახებ პარლამენტის ვიცე-სპიკერმა ირმა ინაშვილმა საკონსტიტუციო კომისიის სხდომის დასრულების შემდეგ ჟურნალისტებს განუცხადა.

როგორც ინაშვილმა აღნიშნა, ვენეციის კომისიის რეკომენდაციები მნიშვნელოვანია, თუმცა მისივე თქმით, აუცილებელია, ქართველმა ხალხმა წარმოდგენილი ცვლილებები განიხილოს და ამ ცვლილებებს საზოგადოების მხარდაჭერა ჰქონდეს.

„დღეს გაიმართა პირველი სხდომა, რომელიც უფრო საორგანიზაციო საკითხებს ეხებოდა. განსახილველად ბევრი რამ იყო წარმოდგენილი და ჩვენ მაქსიმალურად ვიქნებით კომისიის მუშაობაში ჩართული. ყურადღება ხალხის აზრზე უნდა გამახვილდეს და ეს აზრი უნდა იყოს გათვალისწინებული. ითქვა, რომ იქნება საერთო, სახალხო განხილვა, ამიტომ მე ამ მიმართულებით ძალიან ვარ დაინტერესებული. ვთვლი, რომ ვენეციის კომისიის რეკომენდაციები მნიშვნელოვანია, მაგრამ აუცილებელია ასევე ქართველმა ხალხმა წარმოდგენილი ცვლილებები განიხილოს და ამ ცვლილებებს საზოგადოების მხარდაჭერა ჰქონდეს“, - განაცხადა ინაშვილმა.

ცნობისთვის, სასტუმრო „რადისონ ბლუ ივერიაში“ სახელმწიფო საკონსტიტუციო კომისიის პირველი სხდომა გაიმართა. სხდომას საპარლამენტო უმრავლესობისა და უმცირესობის, ასევე არასამთავრობო ორგანიზაციების წარმომადგენლები და ექსპერტები დაესწრნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება