წლის ბოლომდე ოფიციალური მოსკოვი ოკუპირებული სამხრეთ ოსეთის ე.წ თავდაცვის სამინისტროსთან თანამშრომლობის შეთანხმებას მოაწერს ხელს, რომლის თანახმადაც ოს სამხედროებს რუსეთის არმიაში მსახურობის უფლება მიეცემა, - ამის შესახებ სააგენტო Tass-ი ოკუპირებული სამხრეთ ოსეთის "თავდაცვის მინისტრზე" იბრაგიმ გასეევზე დაყრდნობით იუწყება.

როგორც გასეევმა განაცხადა, ოს სამხედროებს, კონტრაქტის საფუძველზე, შეეძლებათ სამხრეთ ოსეთში დისლოცირებული მე-4 რუსული სამხედრო ბაზის შემადგენლობაში მსახურობა.

ამასთან, ე.წ მინისტრის თქმით, ეს სამხედროების კარიერული ზრდის თვალსაზრისით ძალიან კარგია.

"რუს კოლეგებთან საერთო აზრამდე მივედით. გვქონდა შიდა განხილვები, რომლებიც წარმატებით დასრულდა. ახლა განხილვებს რუსული მხარე ახორციელებს. შესაბამის დოკუმენტზე ხელის მოწერას წლის ბოლომდე ველოდებით", - განაცხადა გასეევმა.

მისივე თქმით, შეთანხმების ფარგლებში განხორციელდება „სამხრეთ ოსეთის თავდაცვითი ინფრასტრუქტურის მოდერნიზება“, და ადგილობრივი “შეიარაღებული ძალების ინფრასტრუქტურის გაუმჯობესება“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება

ბაზისბანკმა ლიბერთი ბანკის შეძენა წარმატებით დაასრულა