საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ „ყოფილ პატიმართა რეაბილიტაციისა და რესოციალიზაციის პროგრამის“ ბენეფიციარებს სამედიცინო მომსახურება დაუფინანსდათ.

სსიპ „დანაშაულის პრევენციის ცენტრის“ თანამშრომლებმა აღნიშნული დახმარება შარშან,  10 ივნისს, მინი-ფეხბურთის ტურნირის („ბიზნესის ჩემპიონთა ლიგა") ფინალური მატჩის მოგების შედეგად მიღებული საპრიზო თანხის საშუალებით შეძლეს.

კერძოდ, ერთ ბენეფიციარს  ჩაუტარდა გამოკვლევა გოლდმანის ლინზით, რის შედეგადაც დაისვა ზუსტი დიაგნოზი -  ბადურის პერიფერიული დისტროფია.  ბენეფიციარს ჩაუტარდა შემოსაზღვითი ლაზერ კოაგულაცია.  რაც შეეხება კიდევ ორ ბენეფიციარს, ესენი არიან  არასრულწლოვანი ყოფილი პატიმრები, რომლებსაც სხეულზე არსებული ტატუს მოცილების პროცედურა ესაჭიროებოდათ. სამივე ბენეფიციარის სამედიცინო დახმარებაზე ჯამში 700 ლარი დაიხარჯა.

აღსანიშნავია, რომ საქართველოს იუსტიციის სამინისტროს დანაშაულის პრევენციის ცენტრი ორი  წელია ყოფილ პატიმართა  რეაბილიტაციისა და რესოციალიზაციის პროგრამას ახორციელებს. პროგრამის მიზანია როგორც ყოფილი პატიმრების რეაბილიტაციის ხელშეწყობა, ისე მათი ოჯახის წევრებზე ზრუნვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია