„საგარეო პოლიტიკა სამარშრუტო ტაქსი  არ არის მიმართულება, რომ შეცვალო“,-ამის შესახებ  პრემიერ-მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძემ, „თავისუფალი დემოკრატების“ განცხადებასთან დაკავშირებით განაცხადა.
აბაშიძე „თავისუფალ დემოკრატებს“ დაფიქრებისკენ მოუწოდა.
„მათმა კომენტარებმა, განცხადებებმა ძალიან სერიოზული ეჭვები გამიჩინა ჩენი კოლეგების ოპონენტების კომპეტენტურობის შესახებ. თუ მათ დისკუსია და პოლემიკა სურთ ამ თემაზე ჩემთან, სჯობს ბატონ აპატურაისთან, ან ობამასთან გაარკვიონ ამის შესახებ. ჩემთან კამათს აზრი არა აქვს იმიტომ, რომ მე ვამბობ იმას, რაც არის ანბანური ჭეშმარიტება. უნდა აჯობონ, გაასწრონ რაღაცნაირად „ნაციონალურ მოძრაობის“ მკვახე, მკვახე   განცხადებებს. მე მათ ვურჩევდი, რომ დაფიქრდნენ, დაგარეო პოლიტიკა სამარშრუტო ტაქსი ხომ არ არის მიმართულება, რომ შეცვალო“,-განაცხადა ზურაბ აბაშიძემ.
შეგახსენებთ, რომ „თავისუფალმა დემოკრატებმა“ პრემიერ-მინისტრის სპეციალურ წარმომადგენელს  რუსეთთან ურთერთობების საკითხებში ზურაბ აბაშიძეს გადადგომისკენ მოუწოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ათობით დაჭრილი, კიევი, ხარკოვი, ოდესა და დნიპრო რუსი ოკუპანტების დაბომბვის ქვეშ მოექცნენ

ლენინგრადის გუბერნატორმა განაცხადა, რომ რეგიონი „ფრონტის ხაზად“ იქცა

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო