პოლონეთის თავდაცვის სამინისტროში ადასტურებენ უკრაინისთვის ამერიკული შეიარაღების მიწოდების განახლებას. ამის შესახებ სოციალურ ქსელ X-ში პოლონეთის თავდაცვის მინისტრის მოადგილემ, პაველ ზალევსკიმ დაწერა.

„ამერიკული იარაღის ტრანსპორტირება იასიონკას სამხედრო ჰაბიდან უკრაინაში კვლავ განახლდა“, – დაწერა მან.

იასიონკაში მდებარეობს პოლონეთიდან უკრაინისთვის დასავლური იარაღისა და საბრძოლო მასალის ტრანსპორტირების მთავარი პუნქტი.

მანამდე, ამერიკული სამხედრო დახმარების აღდგენა დაადასტურა უკრაინის პრეზიდენტის ოფისის ხელმძღვანელის მოადგილემ, პაველ პალისამ. მისი თქმით, აშშ-სგან უსაფრთხოების სფეროში დახმარება აღდგენილია. ამასთან, აშშ-ის ეროვნული დაზვერვის დირექტორმა, ტულსი გაბარდმა განაცხადა, რომ აღდგენილია უკრაინასთან სადაზვერვო ინფორმაციის გაზიარებაც.

აშშ-მა უკრაინას სამხედრო დახმარება და სადაზვერვო ინფორმაციის გაზიარება საუდის არაბეთში გამართული მოლაპარაკებების შედეგად აღუდგინა.

დონალდ ტრამპის მიერ უკრაინისთვის სამხედრო დახმარების შეჩერების შესახებ 3 მარტს გახდა ცნობილი, მას შემდეგ, რაც ოვალურ კაბინეტში აშშ-ისა და უკრაინის პრეზიდენტებს შორის შეკამათება მოხდა.

ავტორი: ექსპრესნიუსი,

სოციალური ქსელები

ივანიშვილის საგარეო მინისტრი - ბრიუსელის გადაწყვეტილებით, საქართველოსთან დიალოგი შეჩერდა

ფოტოგრაფი ალექსანდრ შიშკო ბელარუსში საქართველოდან დაბრუნებისას დააკავეს

რეჟიმის აგენტების კანონი, წითელი ჯვრის და საფინანსო ინსტიტუტების გაცემულ გრანტებზე არ იმუშავებს

რადიკალებმა რომლებიც ბოლნისის მერიის თანამშრომლები არიან, ბიჭს აიათოლაზე დაწერილი პოსტის გამოც გაუსწორდნენ