საქართველოს იუსტიციის მინისტრის, თეა წულუკიანის განცხადებით, საქართველოს ზოგიერთმა მოქალაქემ, რომელიც დასავლეთ-ევროპულ ქვეყნებში ჩართულია ორგანიზებულ დანაშაულში, ვიზალიბერალიზაციის პროცესი გააჭიანურა.

როგორც წულუკიანმა მთავრობის სხდომის დასრულების შემდეგ ჟურნალისტებს განუმარტა, საქართველოს მოქალაქეებზეა დამოკიდებული, ამოქმედდება თუ არა საქართველოსთან მიმართებაში შეჩერების მექანიზმი, ანუ  ვიზალიბერალიზაციის მიღების შემთხვევაში, შეინარჩუნებს თუ არა მას  ქვეყანა.

"შეჩერების მექანიზმის მიღებას საქართველოსთან მიმართებაში დღეს ეყრება კენჭი. ჩვენ დიდი იმედი გვაქვს, რომ კენჭისყრა წარმატებული იქნება, რადგან თუ შეჩერების მექანიზმი არ იქნა მიღებული, ვიზალიბერალიზაციის შესახებ გადაწყვეტილებაც ვერ იქნება მიღებული.

ამ მხრივ წინგადადგმული ნაბიჯები იმედს გვაძლევს, რომ დღეს ეს კენჭისყრა წარმატებით დასრულდება და ჩვენ რამდენიმე კვირაში ვიზალიბერალიზაციას მივიღებთ. შეჩერების მექანიზმი გულისხმობს იმას, რომ თუ ევროკავშირის ქვეყნები მიიღებენ გადაწყვეტილებას, რომ ჩვენ აღარ ვიმსახურებთ უვიზო რეჟიმს, ის მარტივად გაუქმდეს.

შესაძლებელია თუ არა რომ უვიზო რეჟიმი მომავალში გაუქმდეს, ეს ბოლომდე, 100%-ით დამოკიდებულია საქართველოს თითოეული მოქალაქის ქცევაზე, როდესაც ის უვიზო რეჟიმით ისარგებლებს და ჩავა გერმანიასა თუ საფრანგეთში. ეს არის მთლიანად ჩვენზე დამოკიდებული, რომ არ დავარღვიოთ იქაური კანონები, არ მოვინდომოთ იქ დარჩენა, მაშინ როდესაც 90 დღით ვართ შესული. ეს ღიად უნდა ითქვას, აღარაფერს ვამბობ იმ უმცირესობაზე ჩვენი მოქალაქეებისა, რომელთა საქციელმა ეს პროცესი გააჭიანურა და რომლებიც ორგანიზებულ დანაშაულში არიან დასავლეთ-ევროპულ ქვეყნებში ჩართულნი”,- აღნიშნა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი