იტალიისა და საქართველოს თავდაცვის უწყებებს შორის ორმხრივი თანამშრომლობის გეგმას მოეწერა ხელი.

ამ მიზნით, დღეს საქართველოს თავდაცვის სამინისტროს იტალიის თავდაცვის ატაშე, საზღვაო კაპიტანი დანიელე სივიკო და მისი მოადგილე სტეფანო კრეშენცი ესტუმრნენ.

იტალიელი სტუმრები თავდაცვის სამინისტროს საერთაშორისო ურთიერთობათა და ევროატლანტიკური ინტეგრაციის დეპარტამენტის წარმომადგენლებმა მიიღეს.

უწყების ინფორმაციით, შეხვედრაზე მხარეებმა ორ ქვეყანას შორის თავდაცვისა და უსაფრთხოების სფეროში თანამშრომლობის საკითხები განიხილეს და ყურადღება სამხედრო განათლების კუთხით გამოცდილების გაზიარებაზე გაამახვილეს. საუბარი შეეხო საქართველოს ევროატლანტიკურ სტრუქტურებში ინტეგრაციის პროცესს.

კაპიტანმა დანიელე სივიკომ, იტალიის სახელით, უელსის სამიტზე მინიჭებული ნატო-საქართველოს არსებითი პაკეტის იმპლემენტაციის პროცესში მხარდაჭერა აღუთქვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი