აჭარის უმაღლესი საბჭოს ვიცე-სპიკერი ჯემალ ფუტკარაძე გახდა. აჭარის უმაღლეს საბჭოში მიმდინარე რიგგარეშე სხდომაზე ჯემალ ფუტკარაძის ვიცესპიკერობას მხარი 8 დეპუტატმა დაუჭირა, 2 ბიულეტინი ბათილად გამოცხადდა. კენჭისყრაში მონაწილეობა კი, სულ 10-მა დეპუტატმა მიიღო.
აჭარის უმაღლესი საბჭოს ვიცე-სპიკერის პოსტზე სულ  2 კანდიდატურა იყო რეგისტრირებული, "ქართული ოცნების" ყოფილი წევრები - ჯემალ ფუტკარაძე და მედეა ვასაძე.

შეგახსენებთ, ჯემალ ფუტკარაძე პარტია "ქართული ოცნება-დემოკრატიული საქართველოს" წევრი იყო. პარტიის   სამდივნომ  ჯემალ ფუტკარაძის მიმართ დისციპლინური ზომის გამოყენების საკითხი 8 მარტს განიხლა. პარტიის გენერალურმა მდივანმა - კახა კალაძემ აღნიშნა, რომ პარტიის წევრმა - ჯემალ ფუტკარაძემ, მას შემდეგ რაც მან 2014 წლის 14 სექტემბერს პარტიის სამდივნოს გადაწყვეტილებით მიიღო წერილობითი საყვედური, განმეორებით დაარღვია პარტიის წესდება, უგულვებელყო წესდებით გათვალისწინებული ვალდებულებები და მოახდინა პარტიის დისკრედიტაცია. „ქართული ოცნება - დემოკრატიული საქართველოს“ სამდივნომ ერთხმად მიიღო გადაწყვეტილება და ჯემალ ფუტკარაძის მიმართ დისციპლინური გადაცდომისათვისგამოყენებულ იქნა პარტიის წესდებით გათვალისწინებული დისციპლინური ზომა -პარტიიდან გარიცხვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია