მოსკოვში ხანძრის ჩაქრობის დროს 8 მეხანძრე გარდაიცვალა, - ამის შესახებ "რია-ნოვოსტი" საგანგებო სიტუაციების სამინისტროზე დაყრდნობით იუწყება.

მედია საშუალების ინფორმაციით,  ხანძარი წუხელ მოსკოვის ერთ-ერთ რაიონში, პლასტმასის პროდუქციის საწყობში გაჩნდა.

როგორც "რია-ნოვოსტი" წერს, ხანძრის ლოკალიზებაში 160 მეხანძრე მონაწილეობდა, აქედან 8 მეხანძრე შენობის სახურავის ჩამონგრევის შედეგად გარდაიცვალა. სამართალდამცველების ინფორმაციით, გარდაცვლილი მეხანძრეები პირველები მივიდნენ საწყობის ტერიტორიაზე, გადაარჩინეს 100-მდე თანამშრომელი.

მედიის ცნობით, ხანძარი ამ დროისთვის ლოკალიზებულია, მიმდინარეობს სამაშველო ოპერაცია. მომხდართან დაკავშირებით აღძრულია სისხლის სამართლის საქმე სახანძრო უსაფრთხოების წესების დარღვევის ფაქტზე. 

ამ ეტაპისთვის გამოძიება ხანძრის წარმოქმნის ორ ვერსიას განიხილავს, ცეცხლთან უყურადღებო მოპყრობა და მოკლე ჩართვა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს