გერმანიაში პოლიციისა და სპეცრაზმის მიერ ჩატარებული ერთობლივი ოპერაციის შედეგად  ტერორისტულ დაჯგუფება “ისლამურ სახელმწიფოსთან” კავშირში ეჭვმიტანილი 3 პირი დააკავეს, - ამის შესახებ ინფორმაციას Die Welt ავრცელებს.

მედიის ცნობით, ოპერაცია შლეზვიგ-გოლშტაინისა და ქვემო საქსონიის ფედერალურ მიწებზე ჩატარდა.

როგორც Die Welt-ი წერს, სამართალდამცველებმა ლტოლვილთა 3 საერთო საცხოვრებელი და რამდენიმე ბინა გაჩხრიკეს, რა დროსაც ამოიღეს მობილური ტელეფონები, მეხსიერების ბარათები და დოკუმენტები.

გერმანული მედიის ინფორმაციით, ყველა დაკავებული სირიის მოქალაქეა. მათ გერმანიის მთავრობას თავშესაფრის მინიჭების თხოვნით მიმართეს.

დაკავებული სამი პირის წინააღმდეგ გამოძიება უკვე რამდენიმე თვეა მიმდინარეობდა, რა დროსაც ისმინებოდა ეჭვმიტანილების სატელეფონო საუბრები. გამოძიება ვარაუდობს, რომ დაკავებულები ჯიჰადისტები არიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი