მიანმარში 6,8 მაგნიტუდის სიმძლავრის მიწისძვრა მოხდა. მიწისქვეშა ბიძგები ტაილანდში, ბანგლადეშსა და ინდოეთშიც იგრძნობოდა, - ამის შესახებ ინფორმაციას BBC ავრცელებს.

როგორც მედია საშუალება წერს, აშშ-ის გეოლოგიური სამსახურის ინფორმაციით, მიწისძვრის ეპიცენტრი მიანმარის ქალაქ ჩაუდანში, 25 კილომეტრში მდებარეობდა. ხელისუფლებას მსხვერპლის შესახებ ოფიციალური ინფორმაცია არ გაუვრცელებია.

ამასთან, სააგენტო France Press-ი მაგუეს ოლქის პარლამენტის დეპუტატზე დაყრდნობით იტყობინება, რომ შენობის ჩამონგრევის შედეგად 22 წლის მამაკაცი დაიღუპა, ერთი ქალი კი დაშავდა.

ცნობისთვის, მიწისძვრა იგრძნობოდა უძველეს ქალაქ პაგანში, რომელიც ტურისტებში დიდი პოპულარობით სარგებლობს. გავრეცლებული ცნობით, ქალაქში მდებარე რამდენიმე ისტორიული ნაგებობა დაზიანდა.

ბანგლადეშის დედაქალაქ დაკაში მიწისძვრის შედეგად 20 ადამიანი დაშავდა. ინდოეთის ქალაქ კოლკატაში კი მიწისქვეშა ბიძგების გამო მეტროპოლიტენმა მუშაობა შეაჩერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო