ეროვნულ სასწავლო ცენტრ “კრწანისში”, ნატო-საქართველოს წვრთნისა და შეფასების ერთობლივი ცენტრის (JTEC) ტერიტორიაზე “ნატო-საქართველოს სწავლება 2016”ის დაგეგმვის მთავარი კონფერენცია დასრულდა.

დაგეგმვის მთავარი კონფერენცია 5 ივლისს საქართველოს შეიარაღებული ძალების გენერალური შტაბის უფროსის პირველმა მოადგილემ, პოლკოვნიკმა ომარ ბეგოიძემ გახსნა. ნატოს “მოკავშირეთა ტრანსფორმაციის სარდლობის” (ACT), ნატოს სახმელეთო ძალების სარდლობის (LANDCOM), ნატოს ერთობლივი წვრთნისა და შეფასების ცენტრის (JFTC), და პარტნიორი ქვეყნების წარმომადგენლები სწავლებას ქართველ სამხედრო მოსამსახურეებთან ერთად სამი დღის განმავლობაში გეგმავდნენ. კონფერენცია ეროვნული სასწავლო ცენტრი „კრწანისის" სერჟანტთა მომზადების სკოლის შტაბის უფროსმა, ვიცე-პოლკოვნიკმა გიორგი დუმბაძემ დახურა.

„ნატო-საქართველოს სწავლება 2016” იქნება პირველი ერთობლივი სწავლება, რომელიც ნატოს სწავლებების სიაშია შეტანილი. ამ სწავლების მეშვეობით ქართველი ოფიცრები განავითარებენ ნატოს ოპერაციების დაგეგმვისთვის საჭირო უნარ ჩვევებს. სწავლება საშუალებას მისცემს ქართველ სამხედრო მოსამსახურეებს, ნატოსთან უფრო თავსებადები გახდნენ. სწავლება მკაფიო მაგალითია იმისა, თუ როგორ ეხმარება ჩრდილო-ატლანტიკური ალიანსი საქართველოს თავდაცვისუნარიანობის ამაღლებასა და სამხედრო ტრანსფორმაციაში.

„ნატო-საქართველოს სწავლება 2016“ ნატო-საქართველოს არსებითი პაკეტის ფარგლებში (SNGP) ჩატარდება, რომელიც საქართველოს 2014 წლის უელსის სამიტზე მიანიჭეს. სწავლება მრავალეროვნული ბრიგადის დონის იქნება და JTEC-ში 10-დან 20 ნოემბრამდე გაიმართება.

(ns)
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი