19 ივნისს, თბილისი სალოტბარო სკოლების დღეს უმასპინძლებს. 12:30 საათზე სალოტბარო სკოლების პედაგოგებსა და მოსწავლეებს საქართველოს კათოლიკოს პატრიარქი ილია II დალოცავს. 14:00 საათზე, ილიას ბაღში სპეციალურად ამ დღისადმი მიძღვნილი კონცერტი გაიმართება.

ეს იქნება ერთგვარი საანგარიშო მოსმენა-კონცერტი, რომელსაც დაესწრებიან: ანზორ ერქომაიშვილი, ფოლკლორის სახელმწიფო ცენტრის დირექტორი-გიორგი და სხვა საპატიო სტუმრები დაესწრებიან.

სალოტბარო სკოლებს საჩუქრად გადაეცემათ საქართველოს კულტურისა და ძეგლთა დაცვის სამინისტროსა და საქათველოს ფოლკლორის სახელმწიფო ცენტრის მიერ გამოცემული ალბომები, ცნობილი ქართველი შემსრულებლების აუდიო ჩანაწერები და სხვა. ღონისძიების მხარდამჭერია კომპანია ,,IDS ბორჯომი საქართველო" .

„სალოტბარო სკოლების დღე მეტად მნიშვნელოვანი ღონისძიებაა. ეს გახლავთ საქართველოს ფოლკლორის სახელმწიფო ცენტრის ახლადგახსნილი, 14 სკოლებისთვის,  პირველი საანგარიშო მოსმენა-კონცერტი. კოცერტზე მსმენელის წინაშე წარსდგება 400 მოსწავლე“, - აღნიშნავს ფოლკლორის სახელმწიფო ცენტრის რეგიონული პროექტების სამსახურის უფროსი თამარ ახობაძე:

საქართველოს ფოლკლორის სახელმწიფო ცენტრის ინიციატივითა და მთავრობის მხარდაჭერით, საქართველოს მასშტაბით 2014 წლიდან ეტაპობრივად იხსნება სალოტბარო სკოლები, რომელშიც მსურველები უფასოდ შეისწავლიანქართულ ხალხურ სიმღერასა და ტრადიციულ გალობას. დღესდღეისობით, საქართველოს მასშტაბით 17 სალოტბარო სკოლა ფუნქციონირებს (წალენჯიხა, ხობი, ფოთი, ამბროლაური, ოზურგეთი, ლენტეხი, მესტია, ბორჯომი, თეთრიწყარო, ზესტაფონი, ყვარელი, ონი, ბაღდათი, დუშეთი, კასპი, გორი, ახალქალაქი) რომელშიც 700-მდე ბავშვი სწავლობს.სკოლებში ასწავლიან საუკეთესო/გამორჩული/ცნობილი ადგილობრივი ლოტბარები და რეგენტები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა