გატაცებული თვითმფრინავის ყველა მგზავრი გათავისუფლებულია, - ამის შესახებ ინფორმაციას უცხოური მედია ევროპარლამენტის თავმჯდომარეზე მარტინ შულცზე დაყრდნობით იტყობინება.

"ლარნაკის აეროპორტის ყველა მგზავრი გათავისუფლებულია. ვიმედოვნებ, რომ ყველაფერი მალევე მოგვარდება," - განაცხადა შულცმა, კვიპროსის პრეზიდენტთან ერთად გამართულ ერთობლივ პრესკონფერენციაზე.

ცნობისთვის, კვიპროსის პრეზიდენტი ეგვიპტური თვითმფრინავის გატაცების საქმეში ტერორიზმს გამორიცხავს.  ნიკოს ანასტასიადისი აცახდებს, რომ გამტაცებელს პირადი მოტივები ამოძრავებს.

როგორც კვიპროსის მედია საშუალებები იტყობინებიან, გამტაცებლის ყოფილი მეუღლე კვიპროსელია და  მასთან შეხვედრას ითხოვს.

"ეს შეყვარებული მამაკაცია, რომელსაც ყოფილ ცოლთან შეხვედრა სურს. საქმე ქალს უკავშირდება", - განაცხადა კვიპროსის პრეზიდენტმა.

ადგილობრივი მედიის ცნობით, გამტაცებლის ყოფილი მეუღლე ლარნაკას აეროპორტში უკვე მიიყვანეს და ის მოლაპარაკებებს მართავს. კვიპროსის ხელისუფლების ინფორმაციით, თვითმფრინავის ბორტზე ასაფეთქებელი მოწყობილობა არ არის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა

WSJ: აშშ-სა და ისრაელის დაბომბვებმა ირანს ბირთვული ბომბის შექმნის შესაძლებლობა არ წაართვა