საქართველოს მეხუთე პრეზიდენტმა, სალომე ზურაბიშვილმა, ოპოზიციის მხარდამჭერებს მოთმინებისკენ და საპროტესტო აქციების გაგრძელებისკენ მოუწოდა და განაცხადა, რომ არჩევნებიდან ერთი წლის შემდეგაც კი, „ქართულმა ოცნებამ“ ვერ მოიპოვა ლეგიტიმაცია საერთაშორისო და ადგილობრივ დონეზე.

მან განაცხადა, რომ საქართველოს მომავალი ახალ პოლიტიკურ სივრცეში, ახალ საზოგადოებასა და ახალ არჩევნებშია. ეს იქნება საბოლოო გამარჯვება და „რისთვისაც ჩვენ აქ ვიბრძვით“.

2024 წლის 26 ოქტომბრიდან გავიდა ზუსტად ერთი წელი. ერთი წლი, რაც ეს ხელისუფლება არის არალეგიტიმური და ვერაფრით ვერ მოიპოვა ლეგიტიმურობა. ვერც თავისი მცდელობებით, რომ ვიღაცეებს ხელი ჩამოართვან, სადაც შეძლეს, ვერც იმით, რომ ვიღაცეები შეიყვანეს პარლამენტში ან აპირებენ, რომ შეიყვანონ. ვერაფერი ვეღარ უშელის რეჟიმს, რომელიც დაამკვიდრა თავისი არალეგიტიმურობა, როცა ჩაატარა რუსული არჩევნები. ერთი წელი გავიდა ერთი რუსული სცენარიდან მეორე რუსულ სცენარამდე. 4 ოქტომბერს სცადა რეჟიმმა, რომ შეეტყუებინა ხალხი იმ რაღაც აბსურდულ სცენარში, რომელიც რუსული სპეცსამსახურების ტვინში შეიძლება, ყოფილიყო მოხარშული. მაგრამ, ქართველი ხალხი ბრძენია და ქართველმა ხალხმა იცის, როგორ უნდა მიიყვანოს ერთწლიანი ბრძოლა ბოლომდე.

რა გამოჩნდა ამ ერთი წლის მანძილზე? გამოჩნდა, რომ საზოგადოების, ქართველი ხალხის მხარეს არის პირველ რიგში, არნახული სოლიდარობა. საკმარისია ნახოთ, რა სისწრაფით გროვდება თანხა ჯარიმებისთვის, საკმარისია ნახოთ, როგორ ყოველ სასამართლოზე არიან ადამიანები, რომლებიც იქ დგანან და არავის ტოვებენ მარტო. სამაგიეროდ, ამ რეჟიმის წარმომადგენლები როცა არიან ციხის წინაშე და სასამართლოზე, ძალიან მარტონი არიან. არავინ მათ გვერდზე არ დგება და არ უცხადებენ სოლიდარობას, თუნდაც ფბ პოსტებით, - თქვა სალომე ზურაბიშვილმა. 

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი