ბათუმში, სპეციალურ საგამოძიებო სამსახურთან, ჟურნალისტები, პოლიტიკური პარტიების წარმომადგენლები და არასამთავრობო ორგანიზაციების წევრები საპროტესტო აქციას მართავენ. მათი მთავარი მოთხოვნაა, აჭარის პოლიციის დეპარტამენტის ბათუმის საქალაქო სამმართველოს უფროსს, ირაკლი დგებუაძეს, უფლებამოსილება შეუჩერდეს.

აქციის მონაწილეების განცხადებით, აუცილებელია „ბათუმელებისა“ და „ნეტგაზეთის“ დამფუძნებლის, მზია ამაღლობელის მიმართ დევნის შეწყვეტა და მისი დაუყოვნებლივი გათავისუფლება.

„მოვითხოვთ, სპეციალურმა საგამოძიებო სამსახურმა სწრაფ რეჟიმში გამოიძიოს ბათუმის პოლიციის უფროსის, ირაკლი დგებუაძის მიერ, მზია ამაღლობელის მიმართ არაადამიანური მოპყრობისა და დამცირების ფაქტები. შეუჩერდეს სამსახურებრივი უფლებამოსილება პოლიციის უფროსს. საგამოძიებო სამსახურმა საქმე უნდა აღძრას არა მხოლოდ სამსახურებრივი უფლებამოსილების გადამეტების მუხლით, არამედ არაადამიანური და დამამცირებელი მოპყრობის მუხლით, რაც მძიმე კატეგორიის დანაშაულია და მძიმე სასჯელს ითვალისწინებს“, – აცხადებენ აქციის მონაწილეები.

სპეციალური საგამოძიებო სამსახურის ინფორმაციით, ბათუმში გამართული საპროტესტო აქციის დროს დაკავებულთა მიმართ სამსახურებრივი უფლებამოსილების ძალადობით გადამეტების შესაძლო ფაქტებზე გამოძიება უკვე მიმდინარეობს.

„სპეციალური საგამოძიებო სამსახურის აჭარის ა/რ სამმართველოში მიმდინარეობს გამოძიება საქართველოს შინაგან საქმეთა სამინისტროს ცალკეული თანამშრომლების მხრიდან ბათუმში გამართული საპროტესტო აქციაზე დაკავებულთა მიმართ სამსახურებრივი უფლებამოსილების ძალადობით გადამეტების შესაძლო ფაქტებზე“, – აღნიშნულია უწყების განცხადებაში.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო