2021-07-10 15:13:41, 806 ნახვა

---

კელი დეგნანი 5 ივლისზე - სამწუხაროა, რომ ვერ ვნახეთ ირაკლი ღარიბაშვილის ძლიერი ლიდერობა

ამერიკის შეერთებული შტატების ელჩი კელი დეგნანი აცხადებს, რომ პრემიერ-მინისტრ ირაკლი ღარიბაშვილს 5 ივლისის მოვლენებზე სიტუაციის დასტაბილურებაში მთავარი როლი უნდა შეესრულებინა, თუმცა ეს არ მოხდა.

მისივე თქმით, 5-6 ივლისს საქართველოში განვითარებული მოვლენები და ძალადობა სევდიანი და სამწუხაროა ქვეყნისთვის.

„ველოდებოდით, რომ როგორც პრემიერ-მინისტრი ის მთავარ როლს შეასრულებდა სიტუაციის დაწყნარებაში და დაგმობდა ძალადობას საქართველოს მოქალაქეების წინააღმდეგ, ჟურნალისტების მიმართ. ამიტომ სამწუხარო იყო, რომ ამ დღეებში ვერ ვნახეთ უფრო ძლიერი ლიდერობა. სამწუხარო, სევდიანი დღე იყო საქართველოსთვის“, - განაცხადა კელი დეგნანმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი