2020-04-28 19:46:37, 13667 ნახვა

---

საფრანგეთის პრემიერი - კორონავირუსის გამო დაწესებულმა შეზღუდვებმა ერთ თვეში 62 000 სიცოცხლე გადაარჩინა

კორონავირუსის გამო დაწესებულმა შეზღუდვებმა ერთ თვეში 62 000 სიცოცხლე გადაარჩინა, - ამის შესახებ საფრანგეთის პრემიერ-მინისტრმა, ედუარდ ფილიპმა განაცხადა.

როგორც ქვეყნის პრემიერმა აღნიშნა, საკარანტინო შეზღუდვების შენარჩუნება რისკია ეკონომიკისთვის, ამიტომ ეტაპობრივად უნდა დაიწყოს აღნიშნული ზომების შემსუბუქება.

პარლამენტში სიტყვით გამოსვლისას, საფრანგეთის მთავრობის მეთაურმა თქვა, რომ ქვეყნის მოქალაქეებმა უნდა დაიწყონ და ისწავლონ ვირუსთან ერთად ცხოვრება, ასევე მისგან თავის დაცვა.

ცნობისთვის, საფრანგეთის მთავრობას სურს, რომ 11 მაისის შემდეგ ყოველკვირეულად სულ მცირე 700 000 ტესტირება ჩაატაროს.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი