„ლარის კურსი ეკონომიკური გარემოებების ინდიკატორია და მას არ გააჩნია თვისება, რომელიც დოლართან მიმართებაში ცვლილებებს შეზღუდავს“, - ამის შესახებ ექსპერტმა ეკონომიკის საკითხებში, „თავისუფალი უნივერსიტეტის“ რექტორმა ვახტანგ ლეჟავამ „ექსპრესნიუსს“ განუცხადა.

როგორც ლეჟავამ აღნიშნა, ქვეყანაში ძალიან მაღალი ემოციური ფონია და ეს მთავრობის განცხადებებით არის განპირობებული.

"ზოგადად ლარს არ გააჩნია თვისება, რომელიც მას ზღუდავს დოლართან მიმართებაში ან 3 ან 4 ლარი იყოს. ლარი არის შედეგი ეკონომიკური გარემოებების. როგორიც იქნება ეკონომიკური გარემო, მოქმედებები და მოლოდინები, ისეთი იქნება კურსიც. კურს თავისი ბუნება არ გააჩნია, რომელიც რაღაცას წინასწარ განსაზღვრავს. ეს არის ინდიკატორი ქვეყანაში არსებული მდგომარეობის. ახლა არ ვართ სტანდარტულ მდგომარეობაში. ძალიან მაღალი ემოციური ფონია და ეს ემოციური ფონი განპირობებულია მთავრობის განცხადებებით, რომლებიც როგორც აღმოჩნდა ბაზრისთვის ძალიან სანერვიულოა. ამიტომ, ამ ვითარებაში რთულია რამის თქმა. ეს არ არის ნორმალური სიტუაცია", - განაცხადა ლეჟავამ.

შეგახსენებთ, ლარი დოლართან და ევროსთან მიმართებაში გაუფასურებას განაგრძობს.

ეროვნული ბანკის მიერ დადგენილი ლარის ახალი ოფიციალური გაცვლითი კურსის თანახმად, 1 დოლარი დღეს, 2.5352 ლარი ღირს. რაც შეეხება ევროს, 1 ევრო დღეს, 2.6980  ლარი ღირს.

რაც შეეხება კომერციულ ბანკებს, აქ ერთი დოლარის ღირებულება 2.64-დან 2.69 ლარამდე მერყეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი