2016-07-16 03:30:04, 1421 ნახვა
მსოფლიო
ობამა და კერი: ყველამ უნდა დაუჭიროს მხარი თურქეთის დემოკრატიულად არჩეულ მთავრობას
"ყველამ უნდა დაუჭიროს მხარი თურქეთის დემოკრატიულად არჩეულ მთავრობას, რათა თავიდან აიცილონ ძალადობა და სისხლისღვრა" - ამის შესახებ ბარაქ ობამა და ჯონ კერი შეთანხმდნენ.
შეგახსენებთ, ცოტა ხნის წინ თურქეთში მყოფ ამერიკელ დიპლომატებს ქუჩაში გასვლისგან თავის შეკავებისკენ მოუწოდეს.
ცნობისთვის, თურქეთში სამხედრო გადატრიალების მცდელობა მოხდა. დაკეტილია ყველა აეროპორტი. ქვეყნის ორ დიდ ქალაქში პანიკაა, გადაკეტილია ასევე ქვეყნის ორი მთავარი ხიდი.
ქუჩებში სამხედრო ტექნიკასთან ერთად ასობით ჯარისკაცი იმყოფება სრული შეიარაღებით. გარდა ამისა, დედაქალაქის თავზე გამანადგურებლები და ვერტმფრენები ტრიალებენ.
დაუდასტურებელი ინფორმაციით, ქვეყანაში გაითიშა ინტერნეტი და ბლოკირებულია პრეზიდენტის რეზიდენცია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
