ლიბანში აფეთქებების სერიის შედეგად 6 ადამიანი გარდაიცვალა, ხოლო 19 დაშავდა, - ამის შესახებ ინფორმაციას Reuters ავრცელებს.  

მედია საშუალების ინფორმაციით, თავდასხმა ქვეყნის აღმოსავლეთ ნაწილში, სირიის საზღვართან მდებარე სოფელ კააში მოხდა. მოძრაობა  “ჰეზბოლასთან” დაკავშირებული ტელეკომპანიის ინფორმაციით, 2 თვითმკვლელმა ტერორისტმა თავი აიფეთქა. ამ დრომდე უცნობია, თუ ვინ იყო თავდასხმის ორგანიზატორი.

Reuters-ის ცნობით, ყველა გარდაცვლილი მშვიდობიანი მოქალაქეა, დაშავებულთა შორის კი ლიბანური ჯარის რამდენიმე სამხედროა.

ცნობისთვის, ლიბანში კონფესიათაშორისო დაძაბულობა სირიის სამოქალაქო ომის ფონზე გამწვავდა. ლიბანში მოქმედი მოძრაობა “ჰეზბოლა” სირიის პრეზიდენტ ბაშარ ასადს უჭერს მხარს.

შეგახსენებთ, რომ ლიბანური შიიტური მოძრაობა “ჰეზბოლა” აშშ-ის, დიდი ბრიტანეთის და კიდევ რამდენიმე სახელმწიფოს მიერ ტერორისტულ დაჯგუფებად არის აღიარებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს