საქართველოს პრეზიდენტმა გიორგი მარგველაშვილმა მსოფლიო ფსიქიატრთა ასოციაციის რეგიონული კონფერენცია გახსნა და კონფერენციის მონაწილეებს სიტყვით მიმართა.

„უაღრესად მნიშვნელოვანია ჩვენთვის მსოფლიო ფსიქიატრიის ასოციაციის რეგიონული კონფერენციის თბილისში ჩატარება, რადგან საქართველო ნელ- ნელა, სულ უფრო მტკიცედ ხდება სამეცნიერო კვლევითი კონფერენციების ცენტრი.

მინდა მივესალმო იმ ნაბიჯებს, რომლებიც იდგმება მეცნიერებაში და განათლებაში, სადაც საქართველოს როლი კიდევ უფრო მკაფიოდ იქნება წარმოჩენილი", - განაცხადა საქართველოს პრეზიდენტმა კონფერენციაზე გამოსვლისას.

საქართველოს პრეზიდენტის განცხადებით, ფსიქიატრები უმკლავდებიან ერთერთ ყველაზე მნიშვნელოვან საკითხებს, რომლებიც გავლენას ახდენენ არა მხოლოდ სიცოცხლეზე და ჯანმრთელობაზე, არამედ  გავლენას ახდენენ საზოგადოებასა და პოლიტიკურ ინსტიტუტებზე.

აღსანიშნავია, რომ მსოფლიო ფსიქიატრთა ასოციაციის (WPA) რეგიონული კონფერენცია თბილისში პირველად გაიმართა და მისი მიზანი ფსიქიკური ჯანდაცვის სისტემის გამოწვევებისა და პრიორიტეტების განსაზღვრა, პაციენტის ღირსებისა და უფლებების დაცვა, გენდერული პოლიტიკის შემუშავება, ფსიქოსოციალური რეაბილიტაციისა და სათემო სერვისების განვითარების ხელშეწყობაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება