დიასპორის საკითხებში საქართველოს სახელმწიფო მინისტრი, გელა დუმბაძე ამერიკის საერთაშორისო განვითარების სააგენტოს (USAID) კავკასიის მისიის ახალ დირექტორს, დაგლას ბოლს შეხვდა. შეხვედრას საქართველოში ამერიკის საერთაშორისო განვითარების სააგენტოს სოფლის მეურნეობის საკითხებში ოფიცერიშამენნა გალი და სახელმწიფო მინისტრის უფროსი მრჩეველი, ნინა მატიაშვილი ესწრებოდნენ.

შეხვედრაზე სახელმწიფო მინისტრმა  USAID–ის კავკასიის ქვეყნების მისიის დირექტორს აპარატის საქმიანობა, სამომავლო გეგმები და მიგრაციის სამთავრობო სტრატეგია გააცნო. მან ყურადღება გაამახვილა სახელმწიფოს მიერ დიასპორის ფენომენის ახლებურ ხედვაზე, მისი, როგორც განვითარების ელემენტის გათვალისწინებით.

შეხვედრაზე ყურადღება გამახვილდა სახელმწიფო მინისტის აპარატსა და USAID–ს შორის თანამშრომლობის ორ ძირითად მიმართულებაზე: დიასპორის ჩართულობაზე სამოქალაქო განათლების პროგრამებში, როგორც საქართველოში, ისე აშშ–ში და დიასპორულ ობლიგაციებზე და აღნიშნული მიმართულებით USAID–ის ხელშეწყობით ცენტრალური ევროპის ქვეყნებში განხორციელებული პროგრამების გათვალისწინებით შესაძლო თანამშრომლობის მოდელზე. შეხვედრაზე საუბარი, აგრეთვე, შეეხო სოფლის მეურნეობის განვითარების თემატიკას, USAID–სა და სახელმწიფო მინისტრის აპარატს შორის არსებულ ურთიერთგაგების მემორანდუმს"საქართველოს სასოფლო–სამეურნეო წარმოების ეფექტიანობის აღდგენის პროექტის" ფარგლებში და აღნიშნულ პროექტში დიასპორელი მეწარმეების თანამონაწილეობას.

შეხვედრაზე სახელმწიფო მინისტრის უფროსმა მრჩეველმა, ნინა მატიაშვილმა სახელმწიფო მინისტრის აპარატის საქმიანობის პრეზენტაცია წარმოადგინა, სადაც დეტალურად იქნა ასახული სამინისტროს უახლესი პროგრამები და პროექტები და USAID–თან უკვე განხორციელებული ღონისძიებები.

დაგლას ბოლიმ მადლობა გადაუხადა გელა დუმბაძეს ინფორმაციული და შინაარსიანი შეხვედრისთვის და იმედი გამოთქვა, რომ სახელმწიფო მინისტრის აპარატსა და USAID–ს შორის არსებული მჭიდო თანამშრომლობა, მისი აღნიშნულ პოზიციაზე ყოფნის პერიოდში კიდევ უფრო გაღრმავდება და განვითარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში