კომპანია FlyDubai-ის ხელმძღვანელობა აცხადებს, რომ ავიაკატასტროფის მიზეზი კლიმატური პირობები არ შეიძლება ყოფილიყო. ინფორმაციას ადასტურებს აეროპორტის ხელმძღვანელობაც, - ამის შესახებ ინფორმაციას რუსული მედია ავრცელებს.

როგორც FlyDubai-ის წარმომადგენლები ამბობენ, ეკიპაჟს როსტოვის აეროპორტში ფრენის გამოცდილება ჰქონდა და ასაფრენ ბილიკს კარგად იცნობდა.

შემთხვევას სახელმწიფოთაშორისი საავიაციო კომიტეტიც იძიებს. აღსანიშნავია, რომ ექსპერტებმა შავი ყუთი უკვე გახსნეს. ამ დროისთვის არსებული ინფორმაციით, აუდიოჩანაწერი მნიშვნელოვნადაა დაზიანებული, თუმცა სხვა სახის ინფორმაცია დაცულია და იშიფრება.

შეგახსენებთ, რომ რუსეთში, კერძოდ კი როსტოვში კომპანია FlyDubai-ის კუთვნილმა სამგზავრო თვითმფრინავმა კატასტროფა განიცადა. თვითმფრინავის ბორტზე 55 მგზავრი და ეკიპაჟის 7 წევრი იმყოფებოდა. კატასტროფას ვერც ერთი მათგანი გადაურჩა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა

რეგიონებში ცხოველთა 3 ახალი მუნიციპალური თავშესაფარი აშენდება

სპეციალური შეთავაზება SOLO მომხმარებლებისთვის - დაესწარით სპექტაკლ “შერეკილები”-ს პრემიერას რეზო გაბრიაძის თეატრში