იუსტიციის უმაღლესი საბჭოს გადაწყვეტილებით, თბილისის საქალაქო სასამართლოს თავმჯდომარედ გიორგი მიქაუტაძე აირჩიეს. მას მხარი საბჭოს 12 წევრმა დაუჭირა, 1 კი წინააღმდეგი იყო.

მიქაუტაძის კანდიდატურას მხარი მხოლოდ ვახტანგ მჭედლიშვილმა არ დაუჭირა, რომელმაც საბჭოს კანდიდატად გიორგი ებანოიძე წარუდგინა. მჭედლიშვილი საბჭოში პრეზიდენტის კვოტით არის წარდგენილი.

მიქაუტაძის კანდიდატურა საბჭოს მდივანმა ლევან მურუსიძემ წარადგინა.

შეგახსენებთ, იუსტიციის უმაღლესი საბჭოს გადაწყვეტილებით 22 თებერვალს მამუკა ახვლედიანი თბილისის საქალაქო სასამართლოს თავმჯდომარეობიდან გადააყენეს. ოფიციალურ მიზეზად მენეჯმენტში არსებული პრობლემები დასახელდა. სხდომას თავად მამუკა ახვლედიანი არ ესწრებოდა. სასამართლოს თავმჯდომარის კანდიდატურა მას შემდეგ გახდა ვაკანტური.

თავად მამუკა ახვლედიანმა საქალაქო სასამართლოს განჩინებით მიმართა, რომ იუსტიციის საბჭომ სასამართლოს თავმჯდომარის არჩევის საკითხი შეაჩეროს, თუმცა სასამართლომ მამუკა ახვლედიანის ეს განჩინება არ დააკმაყოფილა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება