მთავარ პროკურატურაში გულუას სპეცდანიშნულების რაზმის ყოფილ ხელმძღვანელს, ზურაბ ქაჯაიას, კითხავენ.

დაკითხვაზე შესვლამდე ქაჯაიამ ჟურნალისტებთან საუბრისას არ გაახმაურა, თუ რა საქმეზე აქვს გამოძიებას მასთან კითხვები. არსებული ინფორმაციით, გამოძიება მას აფრასიძეების საქმეზე კითხავს.

ამასთან, როგორც დაკითხვამდე  ზურაბ ქაჯაიამ განაცხადა, უკრაინაში დაღუპული სამხედროს  გადმოსვენებასთან დაკავშირებით გუშინ  გაფრენას აპირებდა, თუმცა ამის საშუალება არ მიეცა. ადვოკატის ინფორმაციით, ის ჯერ კიდევ გუშინ  აეროპორტიდან პროკურატურაში გადაიყვანეს, სადაც გვიანობამდე იკითხებოდა. მისივე განმარტებით, ზურაბ ქაჯაია დაკითხვაზე მოწმის სტატუსით იმყოფება.

შეგახსენებთ, 2004 წლის 24 მარტს სვანეთში ჩატარებული სპეცოპერაციისას მამა -შვილი- ევგენი და ომეხ  აფრასიძეები დაიღუპნენ. სპეცოპერაციისას ასევე ძმები  გოჩა და შმაგი აფრასიძეები დააკავეს, რომლებიც 2013 წელს  ამნისტიით გათავისუფლდნენ. ციხის დატოვების შემდეგ მათ განაცხადეს, რომ სამართლიანობას აღადგენდნენ.საქმის გამოძიება ამ დრომდე მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი