აჭარის ა/რ მთავრობის თავმჯდომარე ზურაბ პატარაძე დღეს ბათუმის სამშობიარო სახლის ექიმებს შეხვდა.

აჭარის ჯანდაცვის სამინისტროს ინფორმაციით, შეხვედრა გაცნობით ხასიათს ატარებდა და ერთგვარი გაგრძელება იყო იმ თემატურ ჯგუფებთან გაცნობის, რომელსაც ზურაბ პატარაძე მთავრობის თავმჯდომარედ დანიშვნის შემდეგ ახორციელებს. ზურაბ პატარაძე ექიმებს ახალი ინიციატივების და პროქტების შესახებ ესაუბრა, რომელთა განხორციელებაზე მუშაობა უკვე მიდის და სულ მალე რეგიონის ეკონომიკურ და სოციალურ გარემოს კიდევ უფრო გააუმჯობესებს. ასეთ პროექტებში ზურაბ პატარაძემ დაასახელა მახინჯაურში მოზიდული ახალი ინვესტიცია, რომელიც სანატორიუმის მშენებლობას ითვალისწინებს და ხელს შეუწყობს სამედიცინო ტურიზმის განვითარებას.

შეხვედრას ესწრებოდა აჭარის ა/რ ჯანმრთელობისა და სოციალური დაცვის მინისტრი ლევან გორგილაძე.

რეგიონის პირველმა პირმა ისაუბრა ასევე სოფლის მეურნეობის მიმართულებით დაწყებულ პროექტზე, კერძოდ სოფლის მეურნეობის ლოჯისტიკური ცენტრების შექმნაზე, რომელთა საშუალებით გლეხსა და მომხმარებელს შორის შუამავლის როლს სახელმწიფო აიღებს, რითაც ხელს შეუწყობს სოფლის პროდუქტების ევროპული სტანდარტებით გასაღებას. ზურაბ პატარაძემ ექიმებს ჯანდაცვის მიმართულებით გაზრდილი ბიუჯეტის და პროგრამების შესახებაც ესაუბრა. სამშობიარო სახლის ექიმებმა მთავრობის თავმჯდომარეს თავიანთი პრობლემებიც გააცნეს და ერთად განიხილეს ამ პრობლემების მოგვარების გზები. შეხვედრამ თბილ გარემოში ჩაიარა. მთავრობის თავმჯდომარე მსგავსი თემატური შეხვედრების გაგრძელებას მომავალშიც გეგმავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი