უკრაინელი მფრინავი ნადია სავჩენკო არ აპირებს იყოს პოლიტიკოსებს შორის „სავაჭრო საქონელი“ და საკუთარი ბედის გადაწყვეტას თავად გეგმავს.

ამის შესახებ სავჩენკომ საკუთარ წერილში დაწერა, რომელიც სოციალურ ქსელ „ტვიტერში“ დღეს მისმა ადვოკატმა, მარკ ფეიგინმა, განათავსა.

„სასამართლო არის ფარსი, განაჩენი - ბლეფი. ვაჭრობა მოხდება. ყველა შეეცდება, ჩემით მიიღოს, რაც შეიძლება მეტი და დაელოდება მოსახერხებელ მომენტს, რათა საკუთარი ქულები არ დაეკარგოს. მე პოლიტიკოსების „სავაჭრო საქონელი“ არ გავხდები, ამიტომ ჩემს ბედს გადავწყვეტ თვითონ. ამიტომ პოლიტიკოსებს ვურჩევ, არ ივაჭრონ ჩემით, არამედ მიაღწიონ შეთანხმებას, რადგან ჩემი სიკვდილით ვერვინ მოიგებს. ჩემით შეიძლება, დაიწყოს გზა მშვიდობისკენ, ან ომისკენ,“ - წერს სავჩენკო.

ნადია სავჩენკო დარწმუნებულია, რომ მასზე ზეწოლა გაძლიერდება, თუმცა გამოთქვამს მზადყოფნას, გაუძლოს მას. ასევე თავის წერილში კიდევ ერთხელ დაადასტურა, რომ 6 აპრილიდან მშრალი შიმშილობის გამოცხადებას გეგმავს.

„შიმშილობას დავიწყებ 6 აპრილიდან და გამარჯვებამდე არ შევწყვეტ. აქედან გამოვალ პირდაპირ უკრაინაში და არავითარ კოლონიაში,“ - წერს სავჩენკო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა