კოალიცია “ცვლილებისთვის“ პატიმრობაში მყოფი ლიდერი, ნიკა გვარამია ციხიდან წერილს აქვეყნებს, სადაც მისი თანაგუნდელის, ნიკა მელიას განაჩენს ეხმაურება.

როგორც გვარამია წერს, “ნიკას მიერ შესხმული წყალი მოსამართლის მანტიაში გახვეულ ჯალათში, პოლიტიკოსების სახელით დაკეთებული საპროტესტო ჟესტია“.

გუშინ ნიკას წელიწადნახევარი მიუსაჯეს და კიდევ წელიწადზე მეტი ციხეში დატოვეს.

ნიკას მიერ შესხმული წყალი მოსამართლის მანტიაში გახვეულ ჯალათში, პოლიტიკოსების სახელით დაკეთებული საპროტესტო ჟესტია, ისეთივე, როგორიც მედიის სახელით გართტყმული სილა მზია ამაღლობელის მიერ და ზვიად რატიანის მიერ კულტურის სახელით გართყმული სილა პოლიციელის ფორმაში გახვეულ რეჟიმის ჯალათებს!

ჩემი მხარდაჭერა ნიკას და მის ოჯახს არა როგორც მეგობრის და თანამებრძოლის მიმართ, არამედ მებრძოლი მოქალაქისა და პატრიოტის მიმართ! ძალიან მალე ერთად ვიქნებით ყველანი ერთად გარეთ!

სანამ ვიბრძვით, სანამ არ გვეშინია, სანამ დაღლილობას და იმედგაცრუებას არ ვახვედრებთ სიზარმაცეს და შემგუებლობას, მანამდე თამამად და მტკიცედ და, რაც მთავარია , სრულიად სამართლიანად შეგვიძლია ვთქვათ:

ჩვენ ვიმარჯვებთ!

თავისუფლება ნიკა მელიას!

თავისუფლება რეჟიმის ყველა ტყვეს! თავისუფლება საქართველოს!,- წერს გვარამია.

ავტორი: ექსპრესნიუსი,

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა