აჭარის ჯანდაცვის სამინისტრომ ონკოლოგიურ საავადმყოფოში 2015 წლის პროგრამების პრეზენტაცია გამართა

2015-02-13 12:20:26, 332 ნახვა

საზოგადოება

მუნიციპალიტეტების პარალელურად, აჭარის ჯანდაცვის სამინისტრო 2015 წლის პროგრამების პრეზენტაციას სამედიცინო დაწესებულებებში მართავს.

სამინისტროს ინფორმაციით, დღეს უწყების მიერ ამოქმედებული პროგრამები აჭარის ონკოლოგიის ცენტრის სამედიცინო პერსონალს მინისტრის მოადგილემ ზურაბ თენიეშვილმა, ჯანდაცვის დეპარტამენტის უფროსმა მანანა ფაღავამ და სოციალური დაცვის დეპარტამენტის უფროსმა ლელა სურმანიძემ გააცნეს.

აღსანიშნავია, რომ სამინისტრომ წელს პირველად ონკოლოგიურ პაციენტთა ტარგენტული, იმუნოთერაპიული მკურნალობისათვის საჭირო მედიკამენტებისა და ბისფოსფონატების ჯგუფის მედიკამენტების დაფინანსება დაიწყო.

მედიკოსებს სამინისტროს პროგრამების შესახებ დამზადებული საინფორმაციო მასალები დაურიგდათ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან