„თუ ეროვნული ბანკი ყველა თავის ინსტრუმენტს გამოიყენებს და ისედაც მწირი ფულის მასას შეამცირებს, ფაქტობრივად ეს ნიშნავს, რომ ეკონომიკური ზრდა დაეცემა, უმუშევრობა მოიმატებს და ეს ეკონომიკის მომავალი განვითარების შემაფერხებელი ფაქტორი გახდება“,-ამის შესახებ ექსპერტმა ეკონომიკის საკითხებში რომან გოცირიძემ განაცხადა.
მისი თქმით, ლარის კურსის გამყარების პროცესში მნიშვნელოვანი როლი მთავრობამ უნდა შეასრულოს და თავის მხრივ, ან ბიუჯეტი შეამციროს, ან ქვეყანაში ეკონომიკური მდგომარეობა გააუმჯობესოს.
„ეროვნულმა ბანკმა, რომელსაც ფულის მასა ისედაც ნაკლები აქვს ქვეყანაში, რა უნდა ქნას? კიდევ უნდა შეამციროს ფულის მასა? ეროვნულმა ბანკმა, რომ გაყიდოს თავისი უცხოური ვალუტის რეზერვები, უნდა გააკეთოს ინტერვენცია. ის გაყიდის დოლარებს, მიაწვდის ბაზარს და წამოიღებს ლარს. ლარის მასა შემცირდება, დოლარს ბაზარი ჩაყლაპავს, რადგან სავაჭრო ბალანსი გაუარესებულია და ეროვნული ბანკის მცდელობა იქნება უშედეგო, თუ ეკონომიკა არ გაიზრდება და მის კვალობაზე ბიუჯეტიც არ გაიზრდება. თუ ასე არ მოხდება, მაშინ ბიუჯეტი უნდა შემცირდეს, რადგან ეს ბიუჯეტი, რომელიც დაიგეგმა არ არის ისეთი, რომელიც ქვეყანაში ფინანსურ სტაბილურობას უწყობს ხელს“,-განაცხადა რომან გოცირიძემ.
მან ლარის დევალვაციის პირობებში, ფასების ზრდასთან დაკავშირებითაც ისაუბრა.
მისი თქმით, თეორიულად რა პროცენტითაც ხდება ლარის დევალვაცია, იმ პროცენტით ხდება ფასების ზრდა, თუმცა ამჟამად ფასების მთლიანი 14%-იანი მოცულობით ზრდა მოსალოდნელი არ არის.
„თეორიულად, რა პროცენტითაც ხდება ლარის დევალვაცია, იმ პროცენტით ხდება ბაზარზე ფასების ზრდა. დღეს დევალვაცის არის 14% ფარგლებში, მაგრამ საგარეო ფაქტორებიდან გამომდინარე, ბაზარზე ფასები მთლიანი 14%-იანი მოცულობით არ გაიზრდება, თუმცა სეგმენტური ზრდა მაინც მოხდება“,-განაცხადა რომან გოცირიძემ.
როგორც მან აღნიშნა, ლარის კურსის დასტაბულურების პროგნოზირება შეუძლებელია, რადგან ის მთავრობის მიერ ეკონომიკური მდგომარეობის ზრდაზეა დამოკიდებული.
„ლარის შემდგომი კურსი დამოკიდებული იქნება იმაზე, თუ როგორ განვითარდება ეკონომიკაში ტენდენციები. მე პროგნოზებს ვერ გავაკეთებ, რადგან უნდა ვიცოდე გაიზრდება, თუ არა ექსპორტი და რა იქნება მთავრობის მიერ გატარებული პოლიტიკა, რომელიც საბოლოო ჯამში ვალუტის შემოდინების იმ წყაროებს აღადგენს, რაც გვქონდა. რადგან ტურისტთა რაოდენობამ იკლო, რკინიგზის მომსახურებამ იკლო, ექსპორტმა იკლო, საგარეო ფაქტორების გამო გადარიცხვები კლებულობს. თუ მთავრობა იტყვის, რომ მას ამ ვალუტის დანაკარგების კომპენსირება შეუძლია, მაშინ შეიძლება ითქვას, რომ ლარი იპოვის თავის წონასწორობის ნიშნულს“,-განაცხადა რომან გოცირიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა