სოსო რობაქიძე დონაძეს - გაგივარდათ, ხო? ერთხელაც მე გამივარდება და განახებ მერე

2015-02-03 23:13:29, 431 ნახვა

პოლიტიკა

"გაგივარდათ, ხო? ერთხელაც მე გამივარდება და განახებ მერე,"- ასე მიმართა სოსო რობაქიძემ გურამ დონაძეს რუსთავი-2 ის გადაცემა"არჩევანში".

რობაქიძის განცხადებით, მისი შვილის გარდაცვალების საქმეზე გამოძიება მიმდინარეობს და ახალი გარემოებები დგინდება.

"ჯერ კასეტა დამალეთ, მერე გამოაჩინეთ. მერე თქვით, სპეცოპერაცია იყოო. მერე თქვით, გაგვივარდაო. ვიდეოში ყვირით, რომ კრიმინალები არიან და ლიკვიდაცია გაუკეთეთო და რომელია აქედან მართალი. ან ორი გავარდნილი ტყვია სად გინახიათ? რა გინდათ, მითხრათ, რომ სამი ბიჭის დაპატიმრებაც გაგივარდათ? ახალი გამოძიება დაიწყო პროკურატურაში ჩინოვნიკებზე და ყველაფერი გაირკვევა. ბუტა არ იყო კრიმინალი. იქ, იმ დღეს ტაქსი რომ არ გამოჩენილიყო, მანქანაში მყოფ ყველა ადამიანს დახოცავდნენ. დაწყნარდი გურამ, თუ მართალი ხარ, დაწყნარდი. გეთანხმები დიდი ხანია შენი ადგილი ციხეშია," - განაცხადა სოსო რობაქიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან