აჭარის ჯანდაცვის მინისტრის მოადგილეები მშობლიურ სკოლებში იმყოფებოდნენ

2015-09-14 17:40:29, 914 ნახვა

რეგიონი

აჭარის ა/რ ჯანმრთელობისა და სოციალური დაცვის მინისტრის მოადგილეებმა ახალი სასწავლო წლის დაწყება მშობლიური სკოლების მოსწავლეებს, პედაგოგებსა და მშობლებს მიულოცეს.

მინისტრის პირველი მოადგილე ლევან გორგილძე ქედის მუნიციპალიტეტის სოფელ კვაშტის საჯარო სკოლაში იმყოფებოდა, მინისტრის მოადგილემ მშობლიურ სკოლას საჩუქრად სპორტული ინვენტარი გადასცა.

კვაშტის საჯარო სკოლაში ახალი სასწავლო წელი საქართველოს ჰიმნით და სახელმწიფო დროშის აღმართვით დაიწყო, პირველი ზარი სიმბოლურად პირველკლასელმა ლანა გათენაძემ დარეკა, სკოლაში განათლებას 33 მოსწავლე ღებულობს.

ბათუმის N4 საჯარო სკოლაში იმყოფებოდა მინისტრის მოადგილე ნონა გალოგრე. მინისტრის მოადგილემ ახალი სასწავლო წლის დაწყება მშობლიური სკოლის აღსაზრდელებსა და პედაგოგებს მიულოცა.

მინისტრის მოადგილეები ზურაბ თენიეშვილი და რამაზ ჯინჭარაძე ქ. ბათუმის N1 საჯარო სკოლას ეწვივნენ და სკოლის დაწყებასთან დაკავშირებულ ღონისძიებას დაესწრნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან