კალაძე ჟურნალისტებს: თქვენ ხართ ხიდი რეალობასა და ადამიანების განწყობას შორის

2017-03-21 16:28:29, 2732 ნახვა

საზოგადოება კომენტარი Lifestyle

კალაძე ჟურნალისტებს: თქვენ ხართ ხიდი რეალობასა და ადამიანების განწყობას შორის - გისურვებთ მაღალ სტანდარტს

საქართველოს ენერგეტიკის მინისტრმა, ვიცე-პრემიერმა კახა კალაძემ ქართველ ჟურნალისტებს პროფესიული დღე მიულოცა.

როგორც კალაძე სოციალურ ქსელ Facebook-ის საკუთარ გვერდზე წერს, ჟურნალისტების პროფესიონალიზმზე, პრინციპულობაზე და თავისუფლებაზე ხელისუფლების მუშაობის ხარისხია დამოკიდებული.

"ჟურნალისტებს გილოცავთ პროფესიულ დღესასწაულს. თქვენს პროფესიონალიზმზე, პრინციპულობაზე და თავისუფლებაზე დამოკიდებულია ხელისუფლების მუშაობის ხარისხი და მოსახლეობის "ცოდნა" მიმდინარე პროცესებზე შინ თუ გარეთ. თქვენ ხართ ხიდი რეალობასა და ადამიანების განწყობას შორის და თითოეულ ინფორმაციას, თითოეულ სიტყვას ამ ხიდზე ატარებთ ფაქიზად და ლაღად.

ჟურნალისტების, მედიის მუშაობის ხარისხი განაპირობებს სამოქალაქო ცნობიერებას, საზოგადოებრივ აზრს და განწყობას. თქვენ ხართ ხალხის და ხელისუფლების ხელისუფლება - ეს უდიდესი პასუხისმგებლობაა , გისურვებთ მაღალ სტანდარტს და დიდ მიღწევებს თქვენს საინტერესო საქმიანობაში!", - წერს კალაძის.

ცნობისთვის, დღეს ქართული ჟურნალისტიკის პროფესიული დღე აღინიშნება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან