"რუსთავი 2"-ის გენერალური დირექტორი ნიკა გვარამია, რატი გაჩეჩილაძეს სოციალურ ქსელში გამოეხმაურა და აღნიშნა, რომ მისი ცემის ფაქტის გამო, რატი გაჩეჩილაძეს სისხლის სამართლის პასუხისგებაში აუცილებლად მისცემენ, - ამის შესახებ ნიკა გვარამიას Facebook-ის საკუთარ გვერდზე წერს. 

"კუანა გრეჩიხას კუანა შთამომავალო, ჩხუბი თუ გინდოდა, სიბნელეში, უკნიდან, კაპიშონგადაფარებული, დამხმარეებთან ერთად კი ნუ მომეპარებოდი კეფაში რაღაცის ჩასარტყმელად და მერე სამარცხვინოდ გაიპარებოდი, პირისპირ მაინც მოსულიყავი.

შენი კუანა ნაბიჭვრის სახელს, ჩემი ტვინის შერყევა მირჩევნია. ეგ გამივლის, შენ კიდევ არაფერი გეშველება. ვერც სისხლის სამართლის პასუხისმგებლობას ვერ გაექცევი, პრემიერმინისტრის მეგობრის ძევ, გპირდები", - წერს ნიკა გვარამია და რატი გაჩეჩილაძეს და პრემიერ-მინისტრ გიორგი კვირიკაშვილის ერთობლივ ფოტოს აქვეყნებს. 

შეგახსენებთ, რომ "რუსთავი 2"-ის გენერალურ დირექტორზე თავდასხმა გუშინ საღამოს მოხდა. ნიკა გვარამიას თქმით, თავს მაშინ დაესხნენ, როდესაც რესტორანში მეგობრებთან ერთად იმყოფებოდა. 

ცნობისთვის, მომხდართან დაკავშირებიტ გამოძიება სსსკ-ის 126-ე მუხლი მიმდინარეობს, რაც ცემას გულისხმობს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.